السلام عليكم
هذه مجموعة من النكث المغربية أتمنى أن تنال إعجابكم
***
واحد حلم أن 200 درهم توضرات ليه
... بقا ناعس 3ايام حلف ميفيق تيلقاها
***
واحد غادي وقف عليه شفار بموس قال ليه تلفون ديالك
قال ليه قيد عندك 061
***
واحد سول صاحبو على معنى pourquoiوهو يقول ليه: علاش
وقال ليه: لا غير سولتك
***
معكاز واحد النهار مراتو كتدق في الباب نسات الساروت مافيه ماينوض قال ليها: سيري لدار اباك راك مطلقة
***
واحد ديما كيهز شي حاجة من دارهم واحد النهار شفر بورطابل ديال خوه تاصلو بيه من الدار
قالو ليه : رد البورطابل
وقال ليهم : نتوما اي حاجة تمشي لصقوها فيا
***
واحد سميتو مبارك شرا حولي داخل بيه للدرب جارتو شافتو من الشرجم
قالت ليه : مبارك الحولي
قال ليها : خدوج النعجة
***
هادو جوج سكرانين واحد شاف راسو فالمراية هو يقول معرفتش فين شت هاد خينا أعطا لمراية لصاحبو هو يقول ليه هداك أنا الحمار
***
مردة ترك الزرواطة فوق الطابلة فلما أراد ليخرج
قال لزوجته : حييدي السلاح لا يلعبوا بيه الدراري
***
هدا مغربي او طلياني او فرنساوي قالو ليهم شكون لي قلبو قاسح وجابو ليهم واحد المراة شارفة جا طلياني بق كيضرب فيها او جى الفرنساوي بقى كيعفط عليها او المغربي كيضحاك قالو ليه : مالك كتضحك
قال ليهم : راه لوليدا هاديك.
***
هذا واحد شدوه البوليس
قالوليه: اعطينا لاكارت
قال ليهم: واش ديال اتصالات ولا ميديتيل
قالوليه: كاتفلى علينا
شدوه عطاوه واحد سلخة واعرة، ضربوه
قالوليه: كيف جاتك التعبئة
قال ليهم: مزيانة الحمد لله ماكانتش التعبئة مضاعفة
****
واحد اتصل بواحد المطعم: ألو
كارسون: ألو
واش كاين شي عشاء
كارسون: كاين ا سيدي
علاش ما عرضتوش عليا
***
***
سراق الزيت خرج من الحانوت فرحان
علاش ...،؟
حيت لقا تصويرتو ف مبيد الحشرات
***
هذا واحد السقرام تزوج مشى إيدوز شهر العسل سافر أو خل مراتو مقابلا لحانوت
***
هذا واحد غادي إشري 10 دراهم تاع لحشيش بانت ليه سطافيط هو يلوح 10 دراهم
***
هذا واحد السيد شرا موطور 103 أو شفروه ليه .مشا عاوتاني شرا 103 آخر أوشفروه ليه ...من بعد مشا ديكلارا عند البوليس أو قاليهم شفرو لي 206
***
هدا واحد الراجل مخاصم لا يتكلم مع الزوجة ديالو. كتب ليها: غدا فيقيني مع 6 صباحا...لكن ما فاق حتى 12 ...وهو يلقاها كتبا ليه : فيق راه 6 صباحا.
قاليك هاذ واحد هو أو صحبتو غادين كايتسراو فدروبا أو حشمانين. بقاو ساكتين وحد شوية قاليها قوليلي شي كلمة حلوة ...قاتليه سكرة .قاليها لا شيحاجا كتجمعنا قالت ليه سطافيط
***
قال ليك هادا واحد الاستاد رسم للتلاميد ضفدعة وقال ليهوم اش هادي
وهو ينوض واحد الكسول للسبورة وهو يقول ليه هادي جرانة قال ليه الحمار هادي راه ضفدعة
و هو يرجع داك الكسول لبلاصتو وقال لصاحبو العجب كاتبان من البعد بحال شي جرانة
***
قاليك هذا واحد راجل ماتت ليه مراتو أو ملي مشاو إدفنوها كلش تعجب هوما غادين أهوا ميت بضحك سولوه صحابو علاش كيضحك ..أوقاليهم تخيلو معايا لأول مرة كنعرف مراتي فين غادة
***
واحد ادري كان راكب فتوبيس وقاف توبيس طلعت واحد لمرا كبييرا وهيا تزطام ليه على السبرديلة هوا يكوليها أشريفة راكي زاطمة على 10 ألف ريال(le prix des espadrilles) وهي تكوليه ديالي أوليدي
***
واحد جالس كيقرا الجرنال، جات مراتو وضربتو بعصا فوق راسو .. طرررررخ!!! الزوج: «مالك آبنتي ؟؟؟» الزوجه: »الورقه اللي في جيبك ومكتوب عليها «سوسو»؟؟» الزوج: «يا بنت الحلال، هدا أسم العود اللى كانلعبو في التييرسي!» الزوجه صدقتو...
بعد اسبوع، الزوج كيقرا الجرنال ، وفجأة جات مراتو وضربتو بعصا فوق راسو !!
الزوج: «آش كاين تاني يابنت الحلال ؟؟»
الزوجه: »العود معيط ليك فالتليفون..!!»
**
هدي واحد المراة كتشك في راجلها، واحد النهار لقات شعرة شهبة، قالت ليه : شكون هاد الشهبة اللي كنتي معاها.
واحد النهار لقات شعرة حرشة، قالت ليه:شكون هاد العزوة اللي كنتي معاها.
واحد النهار مالقات حتى شعرة، قالت ليه: شكون هاد القرعة اللي كنتي معاها....
واحد محشش قاعد باب بيته ، مر عنده واحد وسأله إنت من أهل البيت؟
قاله لأ . أنا من كفار قريش
الإثنين يونيو 01, 2009 6:50 am
